बालाजी देडगाव (प्रतिनिधी)- श्री संत माऊली मल्टीस्टेट को.ऑ. क्रेडिट सोसायटी लिमिटेडच्या बालाजी देडगाव शाखेचे उद्घाटन सोमवारी ९ सप्टेंबर रोजी सकाळी ९ वाजता हभप महंत गुरुवर्य आदिनाथ महाराज शास्त्री (तारकेश्वर गड) व हभप महंत रामगिरीजी महाराज (येळेश्वर संस्थान, येळी) यांच्या शुभहस्ते होणार आहे, अशी माहिती संस्थेचे चेअरमन सुनिल शिरसाठ यांनी दिली. या कार्यक्रमासाठी हभप सुखदेव महाराज मुंगसे (देडगाव), हभप महंत देविदास महाराज म्हस्के (ज्ञानेश्वर संस्थान, नेवासा), हभप नवनाथ महाराज घाडगे (तेलकुडगाव) हे सदिच्छा भेट देणार आहेत. तसेच यावेळी बालाजी देडगाव व परिसरातील प्रमुख मान्यवर व ग्रामस्थ उपस्थित राहणार आहेत. तरी या कार्यक्रमासाठी मोठ्या संख्येने उपस्थित राहण्याचे आवाहन संस्थेचे चेअरमन सुनिल शिरसाठ, सर्व सभासद व समस्त श्री संत माऊली परिवार यांनी केले आहे.
