बालाजी देडगाव (प्रतिनिधी)- नेवासा तालुक्यातील बालाजी देडगाव येथील रहिवाशी व गोंडेगाव येथील हनुमान माध्यमिक विद्यालयाचे उपक्रमशील शिक्षक सागर बनसोडे यांना चिलेखनवाडी येथील युवा बहुउद्देशीय प्रतिष्ठानच्या वतीने दिला जाणारा यावर्षीचा युवा शिक्षणरत्न पुरस्कार महंत सुनिलगिरीजी महाराज यांच्या हस्ते व ज्येष्ठ साहित्यीक, विचारवंत सुभाष सोनवणे, ॲड. हिंमतसिंह देशमुख, युवा नेते अब्दुलभाई शेख, प्रतिष्ठाणचे अध्यक्ष चंद्रकांत कांबळे, गुरुदत्त चष्माघरचे संचालक अशोक पाटील या मान्यवरांच्या प्रमुख उपस्थितीत प्रदान करण्यात आला. कार्यक्रमाच्या अध्यक्षस्थानी ज्येष्ठ साहित्यीक व विचारवंत सुभाष सोनवणे होते. 
सागर बनसोडे यांनी मागील १६ वर्षांपासून शैक्षणिक क्षेत्रात उल्लेखनीय कामगिरी केली. विद्यार्थी हिताचे अनेक उपक्रम राबविले आहेत. पुण्यश्लोक अहिल्यादेवी होळकर बहुद्देशीय संस्थेच्या माध्यमातून सामाजिक व शैक्षणिक चळवळीत सक्रिय आहेत. त्यांच्या या कामाची दखल घेऊन त्यांना या वर्षीचा शिक्षकरत्न पुरस्कार प्रदान करण्यात आला. यावेळी प्रा. अनिल गर्जे, महाराष्ट्र नाभिक महामंडळाचे प्रदेश सदस्य विकास मदने, शहर अध्यक्ष नंदकुमार मोरे, ज्येष्ठ पत्रकार बन्सीभाऊ एडके, मुख्याध्यापक कैलास धानापुने, धोंडाबाई कांबळे, सुभद्रा पठारे, मुख्याध्यापक कैलास धानापुने, भास्कर गोरे, प्रा. रवींद्र गावडे, संजयकुमार लाड आदी उपस्थित होते. पाहुण्यांचे स्वागत व पुरस्कारार्थींचा परिचय प्रतिष्ठानचे सचिव प्रा. सुनिल पंडित यांनी तर प्रस्ताविक उपाध्यक्ष डॉ. प्रा. संतोष तागड यांनी केले. युन्नुस पठाण यांनी सुत्रसंचालन तर भिवाजी आघाव यांनी आभार मानले.
