बालाजी देडगाव (प्रतिनिधी)- नेवासा तालुक्यातील बालाजी देडगाव येथे तांबे वस्ती येथील सावता महाराज मंदिर सभागृहात सालाबादप्रमाणे वै. बन्सी महाराज तांबे यांच्या पुण्यतिथी सोहळ्याचे आयोजन उद्या दि. २१ ऑक्टोबर रोजी सायंकाळी ७ ते ९ या वेळेत करण्यात आले आहे.
या पुण्यतिथी सोहळ्यानिमित्त हभप भागचंद महाराज पाठक यांच्या कीर्तनाचे आयोजन करण्यात आले आहे. कीर्तनानंतर भाविकांसाठी महाप्रसादाचे आयोजन करण्यात आले आहे. तरी या सोहळ्याचा बालाजी देडगाव व परिसरातील भाविकांनी लाभ घ्यावा, असे आवाहन समस्त तांबे पाटील परिवार, संत सावता महाराज ग्रुप, भजनी मंडळ व देडगाव ग्रामस्थांनी केले आहे.
