बालाजी देडगाव (प्रतिनिधी)- नेवासा तालुक्यातील बालाजी देडगाव येथील बालाजी देवस्थान ट्रस्टचे सचिव रामानंद मुंगसे यांनी त्यांचा मुलगा सिद्धांत मुंगसे यांच्या वाढदिवसानिमित्त जिल्हा परिषद प्राथमिक शाळेतील मुलांना शालेय साहित्याचे वाटप केले. या कार्यक्रमाच्या अध्यक्षस्थानी संत रोहिदास देवस्थानचे अध्यक्ष पत्रकार बन्सीभाऊ एडके होते. 
तर प्रमुख मान्यवर म्हणून युवा नेते मच्छिंद्र मुंगसे, बालाजी देवस्थानचे सचिव रामानंद मुंगसे, पत्रकार इंनुस पठाण आदी मान्यवर उपस्थित होते. यावेळी पत्रकार बन्सीभाऊ एडके, पत्रकार इंनुस पठाण मच्छिंद्र मुंगसे, भाऊसाहेब सावंत सर, रामानंद मुंगसे यांनी आपले मनोगत व्यक्त केले. यावेळी मुख्याध्यापक सतिशकुमार भोसले, धामणे सर, धामणे सर, कदम मॅडम, करांडे मॅडम, तोडमल मॅडम आदी उपस्थित होते. कार्यक्रमाचे प्रास्ताविक व सूत्रसंचालन भाऊसाहेब सावंत सर यांनी केले. तर आभार बथुवेल हिवाळे सर यांनी मानले.
