बालाजी देडगाव (प्रतिनिधी)- अहिल्याबाई होळकर माध्यमिक व उच्च माध्यमिक विद्यालय,देडगाव येथे आज पर्यावरण पूरक पद्धतीने गणेशाचे विसर्जन करण्यात आले. विद्यालयाचे मुख्याध्यापक गायकवाड एस.के.यांच्या हस्ते गणरायाची आरती करून आनंदमय वातावरणात गणरायाला निरोप देण्यात आला व शालेय मैदानावर फुलांनी सजवलेले पात्र विद्यार्थ्यांनी तयार केले व गणपती विसर्जनाचे नियोजन केले. 
विद्यार्थिनींनी रांगोळी काढून सुंदर सजावट केली. सर्व विद्यार्थ्यांना विद्यालयाचे वतीने प्रसाद देण्यात आला. सर्व विद्यार्थ्यांना घरच्या गणपतीचे अशाच पद्धतीने पर्यावरण पूरक पद्धतीने गणरायाचे विसर्जन करण्यासाठी मार्गदर्शन करण्यात आले. कार्यक्रमासाठी विद्यार्थ्यांची बैठक व्यवस्था करून शिस्तीचे नियोजन केले.
पर्यवेक्षक रावसाहेब राशिनकर, राजू सोनवणे,संजय पुंड, सचिन कल्हापुरे, प्रकाश मचे, सचिन कोठुळे, आर.बी.गायकवाड, कोळेकर, लक्ष्मण दसपुते, युवराज निकम,प्रवीण मुंगसे, अक्षय मिरपगार,झडे, पंडित, तांबे, यांनी परिश्रम घेतले.
