बालाजी देडगाव (प्रतिनिधी)- नेवासा तालुक्यातील माका येथील ग्रामदैवत मंकावती मातेच्या यात्रेनिमित्त ग्रामस्थांच्या वतीने भव्य यात्रा महोत्सवाचे आयोजन करण्यात आले आहे. या महोत्सवाची सुरुवात २ जानेवारी २०२६ रोजी होणार आहे. यामध्ये पहिल्या दिवशी खास महिलांसाठी ‘खेळ पैठणीचा’ हा मनोरंजनाचा कार्यक्रम आयोजित केला असून त्यानिमित्त बक्षिस म्हणून सोन्याची नथ तसेच कुलर, मिक्सर आणि खास लोटस पैठणी ३१ नग तसेच कार्यक्रम संपल्यानंतर महिलांसाठी स्नेहभोजनाची व्यवस्था केली आहे.
महोत्सवाच्या दुसऱ्या दिवशी म्हणजे ३ जानेवारी २०२६ रोजी सकाळी गंगेचे पाणी घेवून आलेल्या कावडींची मिरवणूक होईल आणि वाजत गाजत देवीमातेला जलाभिषेक होईल. तसेच संपूर्ण दिवसभर प्रत्येक कुटुंब देवीला वाजत गाजत नैवैदय अर्पण करुन पारंपरिक पद्धतीने पूजा होईल. रात्री ७ ते ८ या वेळेत देवीचा छबीना मिरवणूक होईल. त्यानंतर रात्री ८ ते ११ या वेळेत तुकाराम खेडकर सह पांडुरंग मुळे मांजरवालीकर यांच्या लोकनाट्य तमाशाचे आयोजन करण्यात आले आहे. 
महोत्सवाचा अंतिम दिवस म्हणजे ४ जानेवारी हा अतिशय महत्वाचा म्हणजे कुस्त्यांचे जंगी मैदान या दिवशी भरणार आहे. या कार्यक्रमासाठी माका आणि पंचक्रोशित इतिहासात प्रथमच दोन महाराष्ट्र केसरी पहिलवानांच्या कुस्त्यांचे आयोजन करण्यात आले आहे. यामध्ये प्रथम आणि द्वितीय बक्षिसे एक लाख एक्कावन्न हजार रुपये असणार आहे. त्याचबरोबर इतर राज्यातील अनेक नामवंत मल्ल याठिकाणी येणार आहेत. आंतरराष्ट्रीय दर्जाच्या महिला व पुरुष कुस्तीपटू तसेच संपूर्ण महाराष्ट्रासह देशातील नामवंत पहिलवानांचा जंगी हंगामा होवून यात्रेची सांगता होणार आहे. 
सदर यात्रा महोत्सवाचा ग्रामस्थ तसेच पंचक्रोशीतील भाविकांनी आनंद घ्यावा, असे आवाहन यात्रा कमिटीच्या वतीने करण्यात आले आहे. हा महोत्सव यशस्वी होण्यासाठी गावातील अनेक देणगीदार, व्यावसायिक, सरपंच विजयाताई पटेकर, उपसरपंच अनिलदादा घुले, चेअरमन आबासाहेब पालवे, व्हा. चेअरमन बेबीताई कोकाटे, कडूचंद कोकाटे गुरुजी, शिरुभाऊ लोंढे, मा. व्हा.चेअरमन जबाजी आण्णा पांढरे, त्रिंबकराव दारकुंडे, मुरलीधर रुपनर, बबनराव भुजबळ, बाळासाहेब भानगुडे, सुभाषराव घुले, भीमराज लोंढे, सुरेशराव तवार, दिगंबर फलके, माजी सरपंच ज्ञानदेव पागिरे, माजी सरपंच दिगंबर शिंदे, 
महादेव भानगुडे, अशोक पाटील वाघमोडे, सुनील आण्णा शिंदे, डाॅ. बाळासाहेब शिंदे, संजय खेडकर, माजी चेअरमन संजय गाडे, माजी चेअरमन डाॅ. रघुनाथ पागिरे, मल्हारी आखाडे, रामभाऊ बाचकर, जगन्नाथ धनवटे, भाऊसाहेब शिरसाट, शहादेव लोंढे, शिवसेना संघटक गोकुळ लोंढे, मच्छिंद्र लोंढे, बाबासाहेब थोरात, दिपकराव आखाडे, अमोल पालवे, शंकरराव गुलगे, संजय आखाडे, ज्ञानदेव सानप, सोपान घुले, शिवहरी अष्टेकर, सकाहरी शिंदे, कानिफ डोमकावळे आदी ग्रामस्थ, सर्व सदस्य व सर्व संचालक विशेष परिश्रम घेत आहेत.
