बालाजी देडगाव (प्रतिनिधी)- नेवासा तालुक्यातील बालाजी देडगाव येथील जिल्हा परिषद प्राथमिक शाळा तांबे वस्ती येथे शाळेच्या पहिल्या दिवशी विद्यार्थ्यांना मोफत पाठ्यपुस्तक वितरण करण्यात आले. शाळेचा पहिलाच दिवस असल्याने विद्यार्थ्यांचे मोठ्या उत्साहात स्वागत करण्यात आले. यावेळी विद्यार्थ्यांना पुष्पगुच्छ, फुगे, टोपी देऊन स्वागत करण्यात आले. तसेच विद्यार्थ्यांना गोड जेवण देण्यात आले. पहिल्याच दिवशी झालेल्या स्वागतामुळे विद्यार्थ्यांच्या चेहऱ्यावरील आनंद ओसंडून वाहत होता.
यावेळी शाळा व्यवस्थापन समिती अध्यक्ष विष्णू तांबे, निवृत्ती तांबे, दिनकर तांबे, सावता तांबे, सुखदेव तांबे, चंद्रकांत तांबे, गणेश औटी, योगेश तांबे, राजू सुसे आदी मान्यवर उपस्थित होते. यावेळी मुख्याध्यापक कचरे सर यांनी उपस्थित मान्यवरांचे स्वागत केले. तर नांगरे सर यांनी आभार मानले.
