बालाजी देडगाव (प्रतिनिधी)- केंद्रीय विद्यालय नंबर-2 एम आय आर सी अहमदनगर येथे बारावी विज्ञान शाखेत शिक्षण घेत असलेला विद्यार्थी ओंकार अंबादास मुंगसे याने दहावीच्या परीक्षेत 82.40 टक्के गुण मिळवले आहेत. ओंकार याने वर्गात तृतीय क्रमांक पटकावला आहे. या यशाबद्दल ओंकार मुंगसे याचा नागेबाबा परिवाराच्या वतीने सन्मान करण्यात आला. यावेळी ज्येष्ठ पत्रकार बन्सीभाऊ एडके, ओंकारचे आजोबा बाजीराव मुंगसे, रामभाऊ कुटे, अरुण दळवी, कुलदीप मुंगसे, नागेबाबा परिवाराचे पांडुरंग एडके आदी मान्यवर उपस्थित होते. यावेळी मनोगत व्यक्त करताना ओंकार म्हणाला, आपल्याला सेवानिवृत्त मेजर तसेच विद्यमान पीडब्ल्यूडीचे सहाय्यक अभियंता गिताराम मुंगसे यांचे मार्गदर्शन लाभले.
