बालाजी देडगाव (प्रतिनिधी)- नेवासा तालुक्यातील बालाजी देडगाव येथील देडगाव नवे जिल्हा परिषद प्राथमिक शाळेत प्रधानमंत्री मन की बात अंतर्गत आईच्या नावाने एक झाड हा उपक्रम राबविण्यात आला. यावेळी सहशिक्षिका श्रीमती मनिषा कांबळे यांनी आई बेबीलता रोहिदास कांबळे तर मुख्याध्यापक अभिषेक घटमाळ यांनी आई सरस्वती अर्जुन घटमाळ यांच्या नावाने वृक्षारोपण केले. शिक्षकांनीच आपल्या कृतीतून विद्यार्थी मित्रांना मोलाचा संदेश दिला. शाळेतील प्रत्येक विद्यार्थी आपल्या आईच्या नावाने वृक्षारोपण करणार आहे. मुख्याध्यापक अभिषेक घटमाळ यांनी या ग्लोबल वाॅर्मिंगच्या काळात वृक्षारोपणाचे महत्व पटवून देत, विद्यार्थ्यांना झाडे लावा झाडे जगवा व मातृसेवा हे बालसंस्कार या माध्यमातून करण्यात आले. या उपक्रमासाठी शाळा व्यवस्थापन समितीचे अध्यक्ष आप्पासाहेब दळवी, दानियल दळवी, पोपट मुंगसे, आनंद दळवी, प्रदिप मिरपगार, अविनाश तांबे, अविनाश दळवी, महेश दळवी, योहान दळवी व ग्रामस्थांचे सहकार्य लाभले. या उपक्रमाला देडगाव केंद्रप्रमुख कमल लाटे, विस्ताराधिकारी धिंदळे साहेब, नेवासा गटशिक्षणाधिकारी शिवाजीराव कराड साहेब यांचे मार्गदर्शन लाभले. शेवटी आभार सहशिक्षिका मनिषा कांबळे यांनी मानले. या उपक्रमाचे परिसरात सर्वत्र कौतुक होत आहे.
