बालाजी देडगाव (प्रतिनिधी)- नेवासा तालुक्यातील बालाजी देडगाव येथील सेवानिवृत्त मेजर संजय काळे यांचे सुपुत्र करण संजय काळे यांची इंडियन आर्मीमध्ये निवड झाल्याबद्दल करण व त्याचे वडील संजय काळे यांचा ग्रामपंचायत, पावन महागणपती देवस्थान, मित्रपरिवार, हरित क्रांती कृषी सेवा केंद्र, तक्षशिला इंग्लिश मीडियम स्कूल, जिजामाता पब्लिक स्कूल, जिल्हा परिषद शाळा गोयकर वस्ती, नागेबाबा मल्टीस्टेट तसेच विविध संघटनेच्या वतीने भव्य सन्मान करण्यात आला.
पावन महागणपती येथे झालेल्या कार्यक्रमात शुभेच्छा देतांना देवस्थानचे अध्यक्ष संभाजी मुंगसे म्हणाले, करण हा याच परिसरात वाढला असून गणपती परिसरात त्याचा आतापर्यंतचा सराव झाला. गणपती ही विघ्नहर्ताची देवता असल्याने गणपती बाप्पाचा प्रसाद त्याला मिळाला आहे. 
यावेळी नूतन मेजर करण काळे बोलतांना म्हणाले, माझा जो गावात व गावाबाहेर सन्मान झाला त्या सर्वांचा मी ऋणी राहील. गावाचं नाव उज्वल करेल.
माझ्यावर ग्रामस्थांनी भरभरून प्रेम केले आहे, याचा मला मनस्वी आनंद होत आहे, असे म्हणत करण यांनी सर्व ग्रामस्थांचे आभार मानले.
ग्रामपंचायतच्या वतीनेही सरपंच चंद्रकांत मुंगसे ,उपसरपंच महादेव पुंड, माजी सरपंच दत्ता पाटील मुंगसे , माजी सरपंच लक्ष्मणराव गोयकर ,भारत कोकरे, संतोष देवकाते, हरिभाऊ देवकाते, रवींद्र देवकाते मेजर, गुरुकुल क्लासेसचे संस्थापक राजू देवकाते आदी मान्यवर यांनी सन्मान करत भावी कार्यास शुभेच्छा दिल्या.
