बालाजी देडगाव (प्रतिनिधी)- नेवासा तालुक्यातील बालाजी देडगाव येथे आमदार विठ्ठलराव लंघे पाटील मित्रमंडळाच्या वतीने उद्या मंगळवार दिनांक २८ जानेवारी रोजी सकाळी १० वाजता हळदी कुंकूनिमित्त खेळ पैठणीचा या कार्यक्रमाचे आयोजन करण्यात आले आहे.
यावेळी प्रमुख मान्यवर म्हणून आमदार विठ्ठलराव लंघे पाटील यांच्या सुविद्य पत्नी रत्नमालाताई विठ्ठलराव लंघे पाटील या उपस्थित राहणार आहेत. यावेळी खेळ पैठणीचा कार्यक्रमात विजेत्या महिलांना प्रथम बक्षीस मिक्सर, द्वितीय बक्षीस इलेक्ट्रॉनिक शेगडी तर तृतीय बक्षीस म्हणून जम्बो कुकर देण्यात येणार आहे. तसेच या कार्यक्रमात सहभाग नोंदवणाऱ्या प्रत्येक महिलेला हळदी कुंकू व गृह उपयोगी वाण देऊन योग्य असा सन्मान करण्यात येणार आहे. बालाजी देडगाव येथील बालाजी मंदिर सभागृहात होणाऱ्या या कार्यक्रमाला बालाजी देडगाव व परिसरातील सर्व महिलांनी मोठ्या संख्येने उपस्थित राहावे, असे आवाहन आमदार विठ्ठलराव लंघे पाटील मित्रमंडळ, बालाजी देडगाव यांनी केले आहे.
