बालाजी देडगाव (प्रतिनिधी)- नेवासा तालुक्यातील बालाजी देडगाव येथे नवनिर्वाचित आमदार विठ्ठलराव लंघे पाटील यांचा आभार दौरा व महाशिवराञोत्सवानिमित्त महादेव मंदिर व बालाजी मंदिर येथे आमदार विठ्ठलराव लंघे पाटील यांनी दर्शन घेतले व गावकऱ्यांचे आभार मानले. यावेळी येथील युवा नेते निलेश कोकरे यांच्यावतीने आमदार लंघे पाटील यांची पेढेतुला करण्यात आली.
या कार्यक्रमाच्या अध्यक्षस्थानी हभप सुखदेव महाराज मुंगसे होते. सरपंच चंद्रकांत मुंगसे, उपसरपंच बाळासाहेब मुंगसे, सोसायटी माजी चेअरमन बाबासाहेब मुंगसे, पाचुंदा येथील कारभारी टकले, शिवाजी थोरात, नवनाथ साळुंके, आदिनाथ थोरे, आदिनाथ माने, आदिनाथ ठोंबरे, आकाश चेडे आदी मान्यवर उपस्थित होते. यावेळी कैलासनाथ मित्रमंडळाचे राजेंद्र कदम, अरुण वांढेकर, हरिभाऊ देशमुख, विठ्ठल क्षीरसागर यांच्यावतीने आमदार लंघे पाटील यांचा सत्कार केला.
यावेळी बोलतांना आमदार विठ्ठलराव लंघे पाटील म्हणाले की, विधानसभा निवडणूकीत मला सर्वसामान्य जनतेने निवडून दिलेले असून सर्वसामान्य जनतेने ठरवले तर काहीही होऊ शकते? हे विधानसभा निवडणूकीत जनतेने मला मतदान करुन दाखवून दिलेले आहे. या तालुक्यातील जनतेसाठी आपण २४ तास उपलब्ध असून जनतेच्या कामासाठी सदैव तप्तर राहणार आहोत. देडगाव येथे आज माझी पेढेतुला केलेली असून मला निवडून येण्यासाठी तालुक्यातील जनतेने नवस केलेले होते. हेच माझ्यावर जनतेचे प्रेम असून त्यांच्या प्रेमात आपण कधीही अंतर पडू देणार नसल्याचे आमदार विठ्ठलराव लंघे पाटील यांनी याप्रसंगी बोलतांना सांगितले.
यावेळी बालाजी देवस्थानचे अध्यक्ष नवनाथ मुंगसे, बालाजी देवस्थानचे सचिव रामानंद मुंगसे, बालाजी देवस्थानचे विश्वस्त सुनिल मुथ्था, सतिश मुथ्था, माजी चेअरमन कारभारी मुंगसे, भाऊसाहेब मुंगसे, ग्रामपंचायत सदस्य पोपट मुंगसे, जिल्हा सामाजिक न्याय विभागाचे अभिजीत ससाणे, रघुनाथ कुटे, बंडू मुंगसे, पिनू काळे, संभाजीराजे काजळे, संभाजी लोंढे, संतोष कोकरे, भाऊसाहेब नजन, श्रावण औटी आदी उपस्थित होते. यावेळी अजय ससाणे, अक्षय ससाणे व शिवाजी ससाणे यांनी विराट प्रतिष्ठानच्या वतीने आमदार लंघे पाटील यांचा सत्कार केला. 
कार्यक्रमाचे प्रास्ताविक युवा नेते निलेश कोकरे यांनी केले. सूत्रसंचालन बळीराज्य संघटनेचे मच्छिंद्र मुंगसे यांनी केले. तर शेवटी युवा नेते निलेश कोकरे यांनी उपस्थितांचे आभार मानले.
