बालाजी देडगाव (प्रतिपादन)- मुळा एज्युकेशन सोसायटीचे कला, वाणिज्य व विज्ञान महाविद्यालय, माका येथे मराठी भाषा गौरव दिन साजरा करण्यात आला. यावेळी बोलताना मराठी विभाग समन्वयक प्रा. दत्ता कोकाटे यांनी विष्णू वामन शिरवाडकर यांच्या कार्याची समग्र माहिती दिली. कार्यक्रमाच्या अध्यक्षस्थानी डॉ. अमोल दहातोंडे होते. त्यांनी आपल्या मनोगतातून मराठी भाषा जतन व संवर्धनाचे महत्त्व सांगितले. सानिका सांगळे, आदिती गायकवाड यांनी आपले मनोगत व्यक्त केले. कार्यक्रमाचे प्रास्ताविक वैष्णवी लोंढे यांनी केले. सूत्रसंचालन अश्विनी बोरुडे यांनी केले. अध्यक्षीय निवड प्रा. भक्ती बजांगे यांनी केली. त्यास अनुमोदन प्रा. शहाबाज सय्यद यांनी दिले. कार्यक्रमाचे आभार प्रा. अजित हरिश्चंद्रे यांनी मानले. कार्यक्रम प्रसंगी सर्व प्राध्यापक, प्राध्यापकेत्तर सेवक, विद्यार्थी विद्यार्थिनी मोठ्या संख्येने उपस्थित होते.
