बालाजी देडगाव (प्रतिनिधी)- जिल्हाभरात स्थानिक स्वराज्य संस्थेच्या निवडणुकीचा धुराळा उडण्यास सुरुवात झाली आहे. त्यामुळे इच्छुक उमेदवारांनी तयारीला सुरुवात केली असून वैयक्तीक गाठी- भेटी घेण्यास सुरुवात केली आहे. नेवासा तालुक्यातील कुकाणा गण हा राजकीयदृष्ट्या महत्त्वाचा मानला जातो. या गणात नेहमी चुरशीची लढाई झाल्याचा इतिहास आहे. या गणातून हभप कैलास महाराज रिंधे यांनी उमेदवारी करावी, अशी मागणी कार्यकर्त्यांकडून होत आहे. हभप कैलास महाराज रिंधे हे मागील २० ते २५ वर्षांपासून सामाजिक जिवनात सक्रिय आहेत. त्यांना मोठा धार्मिक वारसा लाभला असून वारकरी संप्रदायात त्यांची ही पाचवी पिढी आहे. 
त्यांनी नागरिकांच्या प्रलंबित प्रश्नासाठी अनेकदा निवेदने देत तसेच वरिष्ठ नेत्यांकडे पाठपुरावा करत अनेक कामे त्यांनी मार्गी लावले आहेत. कुकाणा, हैबती जेऊर परिसरात त्यांचा दांडगा जनसंपर्क असून याचा फायदा त्यांनी व पक्षाला नक्कीच होणार आहे.
विविध सामाजिक प्रश्न सोडवण्यासाठी प्रशासकीय अधिकारी व नेते मंडळी यांच्याकडे पाठपुरावा केला आहे. त्यांचा कुकाणा व परिसरात दांडगा जनसंपर्क असून त्याचाही फायदा त्यांना या निवडणुकीत होणार आहे. त्यामुळे कुकाणा गणातून हभप कैलास महाराज रिंधे यांनी उमेदवारी करावी, अशी आग्रही मागणी रिंधे महाराज यांचा मित्रपरिवार व कार्यकर्त्यांकडून होत आहे.
