तेलकुडगाव येथे ‘शिवराज्याभिषेक दिन’ सोहळा उत्साहात साजरा

बालाजी देडगाव (प्रतिनिधी)- अखंड हिंदुस्थानचे आराध्यदैवत छत्रपती शिवराय म्हणजे महाराष्ट्राचं महान दैवत, 350 वर्षांपूर्वी 6 जून 1674 रोजी त्यांचा राज्याभिषेक करण्यात आला. शिवरायांनी मराठी साम्राज्याचा पाया रोवला, म्हणून रायगडमध्ये त्यांचा राज्याभिषेक करुन त्यांना छत्रपती ही पदवी बहाल करण्यात आली. दरवर्षी 6 जून या दिवशी सर्व शासकीय कार्यालयात शिवराज्याभिषेक सोहळा शिवस्वराज्य दिन म्हणून मोठ्या जल्लोषात साजरा केला जातो.
नेवासा तालुक्यातील तेलकुडगाव ग्रामपंचायत कार्यालयासमोर ” शिवराज्यभिषेक दिन” मोठ्या उत्साहात साजरा करण्यात आला. यावेळी ग्रामपंचायत सरपंच, उपसरपंच, ग्रामसेवक, पोलीस पाटील, सर्व सदस्य, सर्व मान्यवर, सर्व पदाधिकारी, अंगणवाडी सेविका, आशासेविका व ग्रामस्थ, कर्मचारी वृंद मोठया संख्येने उपस्थित होते.