बालाजी देडगाव (प्रतिनिधी)- नेवासा तालुक्यातील बालाजी देडगाव येथील जिल्हा परिषद प्राथमिक शाळा मुंगसे वस्ती (लाल गेट) येथे शाळेच्या पहिल्या दिवशी विद्यार्थ्यांना मोफत पाठ्यपुस्तक वितरण करण्यात आले. शाळेचा पहिलाच दिवस असल्याने विद्यार्थ्यांचे मोठ्या उत्साहात स्वागत करण्यात आले पहिल्याच दिवशी झालेल्या स्वागतामुळे विद्यार्थ्यांच्या चेहऱ्यावरील आनंद ओसंडून वाहत होता.
यावेळी शाळा व्यवस्थापन समिती अध्यक्ष, उपाध्यक्ष, सदस्य, शाळेचे मुख्याध्यापक, शिक्षक व पालक उपस्थित होते. ज्ञानदेव पेहरे सर यांनी उपस्थितांचे स्वागत केले. तर विकास वाघ सर यांनी उपस्थितांचे आभार मानले.
