जनशक्ती (वृत्तसेवा)- नेवासा तालुक्यातील रस्तापूर येथील पैस इंग्लिश मीडियम स्कूलने आषाढी एकादशीच्या निमित्ताने शाळेत बालदिंडीचे आयोजन केले होते. यावेळी विद्यार्थ्यांनी केलेली विठ्ठल-रुक्माई व बालवारकऱ्यांची वेशभूषा गावकऱ्यांचे लक्ष वेधून घेत होते. यावेळी शाळेने बालदिंडी – पालखी मिरवणूकीचे आयोजन केले. आषाढी वारी निमित्त संस्कृतीचे जतन व्हावे व ऐतिहासिक वारसा पुढे चालावा, याची माहिती मुलांना व्हावी या उद्देशाने या दिंडीचे आयोजन केले होते.
यावेळी हरिनामाचा गजर करत टाळ वाजवण्यात बाल गोपाळ रमले होते. “ज्ञानोबा माऊली तुकाराम” या गजरात पैस इंग्लिश मीडियम स्कूलच्या विद्यार्थ्यांनी परिसरातील वातावरण भक्तिमय केले होते.
