जनशक्ती (वृत्तसेवा)- नेवासा तालुक्यातील वरखेड, माळेवाडी दुमला येथे आमदार विठ्ठलराव लंघे पाटील यांच्या शुभहस्ते उद्या रविवारी (ता.२३) सकाळी ९ वाजता विविध विकासकामांचे भूमिपूजन संपन्न होणार आहे. आमदार लंघे पाटील यांच्या स्थानिक आमदार निधीतून मंजूर झालेल्या माळेवाडी दुमला येथील हनुमान मंदिर सभामंडप करणे रक्कम २० लक्ष रुपये, मौजे वरखेड येथे महालक्ष्मी मंदिर सुशोभीकरण करणे रक्कम रुपये १० लक्ष रुपये, मौजे वरखेड ढोकणे वस्ती व उंदरे वस्ती रस्ता कॉंक्रिटीकरण करणे रक्कम १० लक्ष रुपये अशा एकूण ४० लक्ष रुपये किमतीच्या विकास कामाचे भूमिपूजन संपन्न होणार आहे. पहिलेच अधिवेशन होताच आमदार लंघे पाटील यांनी नेवासा तालुक्यामध्ये विकासकामाचा श्रीगणेशा केला आहे. यावेळी जास्तीत जास्त नागरिकांनी उपस्थित राहण्याचे आवाहन वरखेड, माळेवाडी दुमला परिसरातील महायुतीच्या नेत्यांनी व ग्रामस्थांनी केले आहे.
