बालाजी देडगाव (प्रतिनिधी)- नेवासा तालुक्यातील देडगाव येथील टकले वस्ती येथे कुशाबाबा मूर्तीची प्राणप्रतिष्ठा व कलशरोहण श्रीराम साधना आश्रम रामनगरचे मठाधिपती महंत सुनीलगिरी महाराजांच्या शुभहस्ते मोठ्या उत्साहात संपन्न झाला.
या धार्मिक कार्यक्रमाचे दोन दिवसापासून आयोजन करण्यात आले होते. गुरुवारी (दि.८) मूर्तीची गावातून फटाक्याच्या आतषबाजीमध्ये, पारंपारिक नृत्य, गजढोल, गजनृत्य व महिलांचे पारंपारिक भावगीते तसेच विविध कार्यक्रमाने सजवलेले रथामध्ये मुर्तीची मिरवणूक मोठ्या उत्साहात पार पडली.
यावेळी झालेल्या मिरवणुकीत महिलांनी व पुरुषांनी फुगड्यांचा आनंद घेतला. शुक्रवारी (दि.९) सकाळपासून होम हवनाचे आयोजन करण्यात आले होते. यामध्ये अनेक जोडप्यांनी सहभाग घेतला. नंतर महंत सुनीलगिरी महाराज, हभप सुखदेव महाराज, पोपट देवा कोकरे व माजी सभापती सुनिताताई गडाख यांच्या शुभहस्ते कलश रोहन पूजा करत मूर्ती प्राणप्रतिष्ठेची पूजा करण्यात आली. महंत सुनीलगिरी महाराजांनी या सोहळ्यानिमित्त प्रवचनरुपी सेवा दिली. 
तर हभप सुखदेव महाराज मुंगसे व माजी सभापती सुनीताताई गडाख, खंडेश्वर कोकरे सर यांनी मनोगत व्यक्त करत कार्यक्रमास शुभेच्छा दिल्या.
या सोहळ्यासाठी माजी आमदार बाळासाहेब मुरकुटे यांचे सुपुत्र विष्णूभैया मुरकुटे, युवा नेते निलेश कोकरे, बालाजी देवस्थानचे अध्यक्ष नवनाथ मुंगसे, कुंडलिक दादा कदम, पैलवान रंगनाथ कोकरे, भारत कोकरे, सरगर देवा, रामा देवा देवकाते ,
आकाश चेडे, पोपट बनसोडे, विनायक घुगरे सर, बारकू देवा धायगुडे, प्रशासकीय अधिकारी सोमा देवकाते, तलाठी गोरख गोयकर, मेजर कानिफनाथ गोफणे आदी उपस्थित होते. तर पैलवान रामा टकले, काशिनाथ टकले, म्हसू टकले, नामदेव टकले, विठ्ठल टकले, संपत टकले, भगवान टकले, संभाजी टकले, जी भाजी टकले, बाळासाहेब टकले, लहानू टकले, किसन टकले यांनी परिश्रम घेत विशेष सहकार्य केले. 
जेऊर हैबती, तेलकुडगाव, पाचुंदा , माका आडगाव व परिसरातील भाविक मोठ्या संख्येने उपस्थित होते. या सोहळ्यानिमित्त उपस्थित भाविकांना महाप्रसादाचे आयोजन करण्यात आले होते.
