बालाजी देडगाव (प्रतिनिधी)- नेवासा तालुक्यातील बालाजी देडगाव येथे उद्या (दि.२५) सकाळी ९.३० वाजता गोमाता प्रथम पुण्यस्मरण कार्यक्रमाचे आयोजन करण्यात आले आहे. जुना जेऊर रोड, मुंगसे वस्ती येथे होणाऱ्या या कार्यक्रमानिमित्त हभप वेदांताचार्य देविदास महाराज म्हस्के (श्री क्षेत्र नेवासा संस्थान) यांचे सकाळी ९.३० ते ११.३० कीर्तन होणार आहे. त्यानंतर महाप्रसाद होईल. यावेळी महंत गुरुवर्य हभप भास्करगिरीजी महाराज (श्री क्षेत्र देवगड संस्थान), महंत गुरुवर्य आदिनाथ महाराज शास्त्री (श्री क्षेत्र तारकेश्वर गड संस्थान) यांची प्रमुख उपस्थिती लाभणार आहे. या कार्यक्रमासाठी गोमाता रक्षक अहिल्यानगर जिल्हा यांची विशेष उपस्थित राहणार आहे. या कार्यक्रमासाठी बालाजी देवस्थान ट्रस्ट, बजरंग दल, बालाजी देडगाव, देवगड सेवेकरी ग्रुप बालाजी देडगाव, बालाजी टूर्स ट्रॅव्हल्स, बालाजी केटरर्स देडगाव, भजनी मंडळ, तरुण मंडळ व ग्रामस्थ बालाजी देडगाव यांचे विशेष सहकार्य लाभणार आहे. या कार्यक्रमासाठी मोठ्या संख्येने उपस्थित राहण्याचे आवाहन गोसेवक हभप आसाराम शंकरराव मुंगसे पाटील, बालाजी देवस्थानचे अध्यक्ष नवनाथ आसाराम मुंगसे पाटील यांनी केले आहे.
