जानापूर येथे श्री संत सेना महाराज पुण्यतिथी व मुर्ती प्राणप्रतिष्ठा सोहळ्याचे आयोजन

बालाजी देडगाव (प्रतिनिधी)- शेवगाव तालुक्यातील जानापूर (वाघमारे वस्ती- पाचुंदा रोड) येथे गुरुवर्य भास्करगिरीजी महाराज, सच्चिदानंद श्रीपाद बाबा, सदगुरू काटे महाराज, महंत सुनीलगिरीजी महाराजांच्या कृपाशीर्वादाने व गुरुवर्य हभप अण्णा महाराज बोरुडे यांच्या अधिपत्याखाली श्री संत सेना महाराज पुण्यतिथी व मूर्ती प्राणप्रतिष्ठा सोहळ्याच्या निमित्ताने त्रिदिनी हरिनाम सप्ताहाचे आयोजन सोमवार दिनांक १८ ऑगस्ट २०२५ ते २० ऑगस्ट २०२५ या कालावधीत संपन्न होत आहे. यामध्ये पहाटे ४ ते ६ काकडा आरती, सायंकाळी ५ ते ६ हरिपाठ, ७ ते ९ कीर्तन व नंतर महाप्रसाद असे दैनंदिन कार्यक्रमाचे आयोजन करण्यात आले आहे. या सप्ताह काळामध्ये १८ ऑगस्ट रोजी हभप विलास महाराज मदने (राहुरी), मंगळवार १९ ऑगस्ट रोजी हभप सचिन महाराज पवार (श्री संत शिरोमणी सेना महाराज मंदिर, श्री क्षेत्र नेवासा), बुधवारी २० ऑगस्ट रोजी हभप महंत बाबागिरीजी महाराज (काशी केदारेश्वर संस्थान नागलवाडी) यांची कल्याची कीर्तनसेवा सकाळी १०.३० ते १२.३० या वेळेत होणार आहे. तसेच सोमवारी १८ ऑगस्ट रोजी दुपारी ३ ते ६ मूर्तीची महाराज व भजनी मंडळाचे उपस्थित भव्य मिरवणूक होणार असून बुधवारी २० ऑगस्ट रोजी सकाळी ९.१५ वाजता मूर्तीची प्राणप्रतिष्ठा महंत सुनीलगिरीजी महाराज (श्रीराम साधना आश्रम मुकिंदपुर) महंत बाबागिरीजी महाराज (काशी केदारेश्वर संस्थान नागलवाडी) यांच्या शुभहस्ते होणार आहे. काल्याच्या कीर्तनानंतर महाप्रसादाचा कार्यक्रम होईल व सांगता होईल. या सोहळ्याच्या यशस्वीतेसाठी समस्त वाघमारे परिवार व समस्त ग्रामस्थ, समाज बांधव माका, पाचुंदा, निंबे नांदूर विशेष परिश्रम घेत आहेत.