बालाजी देडगाव (प्रतिनिधी)- नेवासा तालुक्यातील बालाजी देडगाव येथे छत्रपती प्रतिष्ठानच्या वतीने आज छत्रपती शिवाजी महाराजांच्या पूर्णाकृती पुतळ्याचा दुग्धाभिषेक सोहळा उत्साहात पार पडला. दुग्धाभिषेक सोहळ्याचा मान प्रगतशील शेतकरी गोरक्षनाथ रक्ताटे व राजेंद्र लाड साहेब यांना देण्यात आला.
यावेळी प्रमुख मान्यवर म्हणून गाथामूर्ती हभप सुखदेव महाराज मुंगसे, बालाजी देवस्थानचे विश्वस्त रामभाऊ कुटे, योगेश लाड, बबन देवा तांदळे, ज्ञानेश्वर मुंगसे, पत्रकार बन्सीभाऊ एडके, खंडू कोकरे सर, अरुण वांढेकर, गंगाराम तांबे, बालाजी देवस्थानचे विश्वस्त सुनीलशेठ मुथ्था, चांगदेव महाराज तांबे, बबन मुंगसे, हरिभाऊ म्हस्के, नामदेव वांढेकर, सोन्याबापू कुटे, दिनकर म्हस्के, शंकर वांढेकर, नवनाथ रक्ताटे आदी मान्यवर यावेळी उपस्थित होते. छत्रपती प्रतिष्ठानचे अध्यक्ष मच्छिंद्र मुंगसे यांनी उपस्थितांचे आभार मानले.
