बालाजी देडगाव (प्रतिनिधी)- युवा नेते अब्दुलभैय्या शेख आणि भैय्या सामाजिक प्रतिष्ठानच्या वतीने कुकाणा येथे सर्व धर्मीय बांधवांसाठी ईद ए मिलन कार्यक्रम आयोजित केला होता. सर्व धर्मीय धर्मगुरूंचा युगपुरुष छत्रपती शिवाजी महाराज यांची प्रतिमा भेट देउन सन्मान करत छत्रपती शिवाजी महाराज यांनी ज्यापद्धतीने अठरा पगड जाती, बारा बलुतेदारांना सोबत घेऊन स्वराज्य स्थापन केले सर्व धर्मियांना सोबत घेऊन स्वराज्य चालवले. महाराजांचे विचार पुढे घेऊन जाण्यासाठी सर्व धर्मीय बांधवांना एकत्र आणत सामाजिक सलोखा जपण्याचे काम अब्दुलभैय्या आणि भैय्या सामाजिक प्रतिष्ठानच्या सर्व सहकाऱ्यांनी केले. त्यांनी सर्व धर्मीय सलोखा जपला आहे. कुकाणा हे गाव पूर्वीपासून सर्व धर्माच्या एकतेचे प्रतीक आहे, ग्रामदैवत न्यामत बाबांच्या कृपा आशीर्वादाने अब्दुलभैय्या देखील परंपरा जपत आहेत.
ईद ए मिलन निमित्त भैय्या सामाजिक प्रतिष्ठानच्या वतीने सर्व धर्मीय धर्मगुरूंना आमंत्रित करण्यात आले होते. यावेळी हभप ज्ञानेश्वर महाराज तांबे, उगले महाराज, काळे महाराज, पाटेकर महाराज, पास्टर यहोशवा मोहिते, मौलाना इम्रान, मौलाना शमशाद, मौलाना सद्दाम पटेल आदी धर्मगुरूंनी आपले मनोगत यावेळी व्यक्त केले. ईद ए मिलन या कार्यक्रमासाठी माजी आमदार पांडुरंग अभंग, किसनराव (पेशवे) गडाख साहेब, ॲड. हिम्मतसिंह देशमुख, तालुकाध्यक्ष अशोकराव मोरे, सरपंच लताताई अभंग, पोलिस पाटील संघटनेचे अध्यक्ष संतोषजी पवार, अनिलराव माकोने, विलासराव देशमुख, अमोलभाऊ अभंग, अशोकशेठ चौधरी, वसंतराव कांगुणे, संदीप लष्करे, राजूभाऊ बागडे, अनिल गर्जे, नजीम सय्यद, शकुर सर, समीर सर, इस्माईल सर, जावेद शेख, आदी उपस्थित होते. कार्यक्रम यशस्वी करण्यासाठी भैय्या सामाजिक प्रतिष्ठानचे इम्तियाज शेख, अभिराज आरगडे, स्वप्नील कचरे, अशपाक इनामदार, सूरज पवार, रेहान शेख, प्रतीक बडे, प्रज्वल साबळे आदी सर्व सहकाऱ्यांनी परिश्रम घेतले. अब्दुलभैय्या शेख आणि त्यांच्या सर्व सहकाऱ्यांचे या सर्वधर्मीय बांधवांचा ईद ए मिलन कार्यक्रम यशस्वी केल्याबद्दल विविध स्तरावरून कौतुक होत आहे.
